Ekte festival
Velkommen til Camp Tysnesfest – plassen der festivalstemninga aldri tar pause! Her får du nydelige sommardagar, lun festivalprat langt ut i dei små timane, og ein sosial møteplass med topp humør.
Sleng opp teltet eller dra med deg vogna, senk skuldrene, og bli kjent med nye venner frå heile landet. Gled deg te masse latter, musikk og minner du aldri gløymer.
Campen ligg i Uggdal, som er eit lite stykke frå resten av festivalområdet, men frykt ikkje! Det er gratis shuttle inkludert i campbilletten<3
Glamping
Vil du oppleva festivalstemning utan teltstress? No kan du leige deg glamping på Tysnesfestcampen! Du kan velje mellom DIY-glamping der du skapar din eigen draumecamp, eller møt opp til ferdig glamping for 4-6 personar med oppreidd seng, kjøleskap og chill loungeområde. Sikre deg glampingplass før dei forsvinn! Begrensa plassar!
Tysnescabin
No kan du leige deg eit rom i ein av våre Tysnescabins i campen! Dette er soverom i ombygde containerar der du får tilgong på ladestasjon, aircondition, dyne og pute, filmprosjektor - ja, kort sagt, ei litt meir behageleg campoppleving!
Bubil og
campingvogn
Velkommen til festivalcampen vår! Her blir det kos, latter og god prat heile dagen. Begrensa plassar som pleier å bli raskt fylt opp, så ver kjapp og sikre deg plass!
-
Campen opnar torsdag 9. juli, og stenger søndag 12. juli.
-
Du må ha festivalpass for å bu heile festivalveka. Om du kun skal bu ei natt, må du ha gyldig dagspass for å kunne bu på campen.
NB! Festivalpass/dagspass må kjøpas på førehand. Både camp-billett og pass må visast når man sjekkar inn på campen. Om ein ikkje møter opp før kl 18.00 den dagen ein har reservert plass, risikerer ein å miste plassen.
-
Me har bussar som går i skytteltraffikk heile helga. Bussen er inkludert i camp-billetten.
-
Det vert ikkje anledning til å setje opp fortelt og markiser på bubil/campingvogn-campen.
Det er både tømmestasjon for toalett, og fyllestasjon for vatn på campen.
Det er ikkje lov til å grilla andre stader enn på oppmerka område. Dette gjeld både bubil og telt-campen.
Under 18 år i følge med foresatt.
Campen stenger kl 15.00 sundag, det er viktig at alle rydder opp sitt.
Tysnesfest står ikkje ansvareleg om noko forsvinn/vert kasta.
-
Det er dusj og toalett i eit eige sanitærområde på campen.
-
Parkering av privatbilar skjer på anvist plass, og du får nærare informasjon om dette når du sjekker inn.
-
Camp Tysnesfest er ein camp der det vil vere både sosialt, musikk og fest. Me vil tilstrebe å plassere familiar og gjester som ynskjer ro i dei roligaste områda. Aldersgrensa er 18 år, men born kan kome i følge med foreldre.
Livet i hamna
Festivalhamna vår er sjølve hjartet i Tysnesfest – yrande av liv, musikk og glade folk. Nyt sola på dekk, kjenn rytmen frå livet, og bli med på den gode stemninga når båtar samlast frå fjern og nær. Velkommen om bord til sommarens flottaste møteplass!
-
Festivalhamna er klar frå onsdag 9. juli til søndag 13. juli. NB: Etter 21.00 må ein ha billett for å komma ut på bryggeanlegget.
-
Billett 1: Båtplass - under 36 fot.
Billett 2: Båtplass - 36 til 49 fot.
Billett 3: Båtplass - over 50 fot.Billett 4: Hamneinngang. Alle som skal bu eller opphalde seg i hamna etter klokka 21.00 må ha denne billetten.
Dersom du skal ha med deg gjester eller skal vere gjest i båt, må kvar person betala for adgang i hamna.
Born til og med 12 år bur gratis i hamna. Dei går òg gratis på konsertar på Gjerstad Arena. Det er ikkje krav om festivalpass for å bu i hamna. -
Har du med deg born i båten vil du bli henvist til det roligaste området av hamna.
-
Som båtgjest blir du oppmoda om å retta deg etter instruksar frå hamnevakta, slik at alle får eit sikkert og best mogleg opphald under festivalen. Hamnereglane under Tysnesfest er som følger:
Alle som bur i hamna må enten ha båtplass eller "Overnattingsgjest i båt"-billett.
Båteigarar er sjølv ansvarleg for å fortøye og fendre båtane sine forsvarleg til ei kvar tid.
Etter 21.00 kjem ein ikkje ned på hamneanlegget utan gyldige billettar.
Det er ikkje tillete med «store musikkanlegg». Tysnesfest/hamnevakt definerer kva eit stort anlegg er
Bading/dykking er ikkje lov i hamna.
Me oppmodar alle båtar med badestige til å ha denne ute under heile opphaldet.
All bruk av open eld er forbode.
Ettermonterte straumaggregat er ikkje lov.
Det skal vera ro i hamna frå klokka 02.00-09.00.
NB! Tysnesfest tek ikkje ansvar for båt og/eller utstyr, dersom du blir bortvist frå hamna grunna bråk eller liknande.
-
Det er dusjar og toalett i serviceanlegget i Politistasjonsbygget.
Det vert lagt ut vatn til alle bryggene.Det vert og lagt opp ladestraum i heile anlegget, men dette er ikkje dimensjonert til å driva store anlegg og varmeovnar.